მენეჯერთა სერტიფიცირების პროგრამის პრეზენტაცია
11 ივნისს, მენეჯერთა ასოციაციის ბორდის წევრების ინიციატივით სასტუმრო ბილტმოტის საკონფერენციო დარბაზში ასოციაციის სხდომა გაიმართა. მენეჯერთა ასოციაციის ბორდი შეხვდა საქართველოში მოქმედ ბიზნესის ხელმძღვანელებსა და მენეჯერებს. შეხვედრაზე წარმოდგენილი იყვნენ, ტურისტული, საფინანსო, აგრარული, სამედიცინო, საგანმანათლებლო და სხვა სფეროს მენეჯერები.
მენეჯერთა ასოციაციის კომიტეტის თავმჯდომარეებმა დამსწრე საზოგადოებას ასოციაციის სამომავლო გეგმები გაუზიარეს. წევრებთან საინტერესო დისკუსია წარიმართა, მათი მხრიდან ახალი იდეებიც და ინიციატივებიც გაჟღერდა.
მენეჯერთა ასოციაციამ წარმოადგინა მენეჯერთა სერტიფიცირების და მენეჯმენტის აუდიტის სერტიფიცირების პროგრამა. სერტიფიცირების პროგრამაში ჩართულმა კვალიფიციურმა მენეჯერებმა და მართვის უნარებში წარმატებულმა სპეციალისტებმა ასოციაციის ბორდს მხარდაჭერა გამოუცხადეს თავიანთი მრავალწლიანი მართვის გამოცდილების გაზიარებით, და ასევე სამომავლო თანამშრომლობაზეც შეთანხმდნენ. ასოციაციას კარი ღიაა დაინტერესებული პირებისთვის და კომპანიებისთვისაც.
შედეგად
ასოციაციის საქმიანობა მიმართულია სხვადასხვა დონის მენეჯერთა პროფესიული განვითარებისაკენ, და რაც ასევე ითვალისწინებს მენეჯერთა აკადემიის კურსდამთავრებულებისათვის სერტიფიცირებული მენეჯერის სტატუსის მინიჭებას.
შეხვედრაზე ასევე განხილულ იქნა სხვადასხვა პროფესიული დონის ასამაღლებელი პროექტები. ეს გახლავთ სხვადასხვა სახის ტრენინგები, შეხვედრები, სემინები თუ ონლაინ-კურსები, მენეჯმენტისათვის მნიშვნელოვან სფეროებში და დარგებში.
ყველა ამ პროექტის მიზანია საქართველოში მოღვაწე მენეჯერთა პროფესული და მმართველობითი უნარების ამაღლება, რათა მათ შეძლონ უფრო მაღალკვალიფიციურად თავიანთი მოვალეობების შესრულება.
